Eitb Kultura
ETB1en eta ETB2n
Musika bideoklipen industrian barrena, gaur gaueko 'EiTB Kultura'n
A.H.
EITB
Mikel Clemente eta Aitor Remon errealizadoreak musika sektore honek bizi duen une zailaz arituko dira.
Gaur, Mikel Clemente eta Aitor Remon bideoklip errealizadoreak elkarrizketatuko dituzte 'EiTB Kultura-Transit' saioan. Euren ibilbide profesionala errepasatzeaz gainera, bideoklipen industriaren azken urteetako garapenaz hitz egingo dute. Musikaren munduko beste hainbat alorretan gertatu den bezala, bideoklipen sektoreak ere ziurgabetasun handiko unea bizi du, bideoak egiteko geroz eta baliabide gutxiago dagoelako, batetik, eta Youtuben eta gainerako sare sozialetan sormen-lanek izan duten gorakadagatik, bestetik.
Bestalde, aste honetan hasiko den Bilboko Zinebi jaialdiaren nondik norakoak azalduko ditu EiTBko kultur leihoak, eta zinema, antzoki eta arte aretoetako azken nobedadeak aurkeztuko ditu.
Amaitzeko, Iban del Camporen Katebegitik film laburra izango da ikusgai.
'EiTB Kultura-Transit' gaur gauean eskainiko da ETB1en eta ETB2n, eta ostiralean, 15:00etan, errepikatuko da lehenengo katean.
