Eitb Kultura
ETB1en eta ETB2n
Bideogintza esperimentalaz, gaur gauean, 'EiTB Kultura' saioan
EiTB
Joseba Usabiaga aktorearen kultur gomendioak eta Orbel taldearen disko berria emango dizkigute ezagutzera.
-
EiTB Kultura
Gaur gauean, 'EiTB Kultura' saioan, bideogintza esperimentala izango dute hizpide. BilbaoArtek antolatzen duen Bideodromo jaialdian egon dira, bideo esperimentalak egiten dituzten lagunekin mintzatzen.
Bestalde, Bilboko Solokoetxe auzoan dagoen Bulegoa zenbaki barik bisitatuko dute, arte eta jakintza arloko bulegoa.
Azkenik, Joseba Usabiaga aktorearekin egongo dira Tolosan, haren kultur proposamenak ezagutzeko, eta Baionako Orbel laukoteak Hegan disko berria aurkeztuko digu.
'EiTB Kultura' saioa ostegun gauetan izaten da ikusgai ETB1en, ETB2n eta eitb.eus-en.
