Eitb Kultura
ETB1en eta ETB2n
Kaki Arkarazo musika ekoizlea, gaur gauean, 'EiTB Kultura' saioan
EiTB
Horrez gain, Don Inorrez taldearen musika eta Arrate Rodriguez artistaren lana ezagutuko dute.
-
EiTB Kultura saioaren irudi bat, bideo batetik ateratakoa
Aste honetako 'EiTB Kultura' saioan, Kaki Arkarazo musika ekoizlearekin izango dira hizketan. Garate musika estudiora joango dira ekoizle baten lana zein den galdetzera, eta bere ibilbideaz eta musika ulertzen duen eraz ere jardungo dira.
Horrez gain, Juan Luis Zabala idazleak bere kultur proposamenen berri emango du.
Don Inorrez taldearekin ere izango dira: saioaren kameren aurrean jo dute Dardara hura lan berriko kantu bat.
Amaitzeko, Arrate Rodriguez artistaren lana ezagutuko dute.
'EiTB Kultura' saioa ostegun gauetan izaten da ikusgai ETB1en, ETB2n eta eitb.eus-en.
