Eitb Kultura
ETB1en, ETB2n eta eitb.eus-en
June Crespo artistaren "Helmets" lana, gaur gauean, "EiTB Kultura" saioan
EITB MEDIA
Halaber, Dena taldea, Eñaut Gaztañaga eta Amorante gehiago ezagutzeko aukera eskainiko du programak.
-
"EiTB Kultura" saioa. EITB Mediaren bideo batetik ateratako irudia
Gaur gauean "EiTB Kultura" saioak June Crespo artistaren lana ezagutuko du, "Helmets" izeneko erakusketa aurkeztu baitu Gasteizko Artium museoan.
Horrez gain, Dena musika taldea ere ezagutuko du saioak Ondarroan. Aurten eman dute beren burua ezagutzera Ezer esateko lehen diskoarekin.
Ondoren, Eñaut Gaztañaga musikagile eta ekoizlearen liburu, disko eta pelikula kuttunak ezagutuko dituzte.
Eta bukatzeko, Amorante musikaria entzuteko aukera eskainiko da, izan ere, Bat edo Hiru diskoa kaleratu du udazken honetan.
"EiTB Kultura" saioa ostegunetan izaten da ikusgai, 23:30ean ETB1en eta 01:00etan ETB2n. Bi emankizunak eitb.eus bidez ere jarraitu daitezke.
