Goenkale
Gaur gauean
Ikerketa guztiz aldatuko da norbaitek kamiseta aurkitzean, 'Goenkale'n
Nekane polizia-etxean agertuko da adituaren txostena eskatzeko. Gainera, 'atsuak' ikusiko ditugu, 22:00etan, ETB-1en
Albisteak (2)
Informazio gehiago (1)
Nekane izango da, besteak beste, protagonista gaur gauean 'Goenkale'-n (22:00etan). Gainera, 'Kontuz atsuak' saioko Maikrux eta Maikarmen ere izango ditugu ikusgai atal horretan.
Aimarren suizidio-saiakeraren ondoren, berriro egingo duen beldur da Garbiñe. Horregatik, bere semea estaltzea erabakiko du eta ez du berriro bere burua Poliziaren esku uztera behartuko. Etxean zer gertatzen den jakin gabe, Leirek ez du ulertuko zer dela eta tentsio hori.
Abelek ez du Sabinorekin eta Asunekin familia harremana sendotu nahiko. Kandido, aldiz, hori egitearen alde egongo da.
Kevin joan denez, Manexek Itxasorekin egin beharko du lan, bien arteko harremana unerik onenean ez badago ere.
Bestalde, Aliciak ausardiaz jokatuko du. Modelo ibilbide arrakastatsua hasi du, baina familiarekin arazoak sorraraziko dizkio.
Kandidok eta Ibonek espero ez arren, Nekane polizia-etxera joango da, aurkitutako proben gainean adituek egindako txostenaz galdetzeko. Ikerketak beste norabide bat hartuko du norbaitek kamiseta identifikatu ondoren.
'Goenkale', gaur gauean izango dugu ikusgai, ETB-1en. Eta, gogoratu, asteartean, martxoaren 5ean, ez dugula emango. Beraz, hurrengo atala martxoaren 11n, astelehena, ikusi ahal izango dugu.
