Goenkale
Aurrerapena
Idoiaren azpijokoak, agerian, gaurko 'Goenkale'n
eitb.com
Erredakzioa
Inesek argi dauka Idoia Germanen ohean ikusi zuena, baina Germanek berak ere ez du hori sinisten. Ez galdu gaurko atala, 22:15etik aurrera, ETB1en!
Bideoak (1)
Ines eta Idoiaren arteko harremana izango da gaurko atalaren protagonista, 'Goenkale'n (22:15ean).
Hedabide guztietan azalduko da umeak esplotatzen omen dituen Afrikako enpresak eta Mireiak harremana dutela. Filtrazioa Inesek eman duela uste du gainera, eta salatu egingo du. Hala ere, Kepa da iskanbila honetatik etekina atera nahi duen bakarra, eta Mireiaren konfiantzako pertsona bilakatuko da.
Inesek, Mireiarekin liskarretan jarraitzeaz gain, etxean duen arazoa konpondu beharko du. Berak argi dauka Idoia Germanen ohean ikusi zuena, baina Germanek berak ere ez du hori sinisten. Hala ere, Inesek argi eta garbi utzi nahiko du arrazoia duela, eta funtsezko testigantza bat lortuko du, umezainaren teoria bertan behera uzteko.
Nekanek ere arazoak izango ditu. Luziak, lapurreta leporatuta, salatu egin du. Berak eman zion, gainera, dokumentazio guztia. Kandidok animoak emango dizkio, baina berak ere behar ditu, Naiarekin duen harremana ez baita batere ona.
Ez galdu 'Goenkale' telesail arrakastatsua, aste honetatik aurrera astelehenetan bakarrik, 22:15ean hasita, ETB1en.
