Goenkale
Aurrerapena
'Help, Sokorro, ezkondu!' atal berezia 'Goenkale'n
Erredakzioa
Donostia
Ostiralean Durangon estreinatu ondoren, astelehen gauean izango da ikusgai ETB1en Ibon eta Itxasoren ezkontzari buruzko atal berria.
-
Itxaso, Leonor eta Celia
'Help, Sokorro, ezkondu!' izeneko 'Goenkale'ren atal berezia eskainiko du gaur ETB1ek, telesailaren ohiko ordutegian. eitb.com-en ere izango da ikusgai Ibonen eta Itxasoren ezkontzari buruzko atal hau, ostiralean Durangoko Azokan jendaurrean estreinatu ondoren.
Ibonek eta Itxasok ezkontzeko asmoa dute. Horrela, Ibonen izeba Sokorrok, opari gisa, diru apur bat emango diela uste dute, eta horrek tokatu zaien babes ofizialeko etxea erostea ahalbidetuko lieke. Hori izango da pelikula honen abiapuntua.
Baina gauzak korapilatu egingo zaizkie. Alde batetik, Socorroren aurrean itxurak egin beharko dituzte, batez ere Itxasok, oso emakume kontserbadorea baita. Eta bestetik, Itxasoren Kubako familia Arraldera etorriko da ezkontzarako. Leonor, Nelson, Celia (Leonorren ama) eta Antxon bere senarra, Higinio osaba... Denak batera azalduko dira berriz ere korapilo ugari sortuz.
Ohikoa den bezala, 22:15etan hasiko da atala ETB1en eta eitb.com-en.
