Goenkale
Aurrerapena
Nahasmendua eragingo du Itxasoren eta Ibonen ezkontzak, 'Goenkale'n
eitb.com
Bestalde, Leok eta Nelsonek arazoak izango dituzte. Nelsonek jokabide arraroa duela nabaritu du Leok; gainera, inoiz ez dio azalpen argirik ematen.
Bideoak (1)
Informazio gehiago (1)
Ibonen eta Itxasoren arteko ezkontza izango da gaur gauean, 22:15ean, 'Goenkale'k eskainiko duen atal bereziaren argumentu nagusia.
Ezkontzaren aurreko egunak estresagarriak eta gatazkatsuak izango dira. Anai-arrebak izan arren, Celiak eta Higiniok urteak daramatzate elkar ikusi gabe. Denbora asko igaro ondoren, berriz ere elkartuko dira Arralden, baina bien arteko desberdintasunak areagotu egingo dira. Higiniok osasuna zaindu behar du, bihotzeko asko izan baititu.
Bestalde, Leok eta Nelsonek arazoak izango dituzte. Nelsonek jokabide arraroa duela nabaritu du Leok; gainera, inoiz ez dio azalpen argirik ematen. Halaber, Ibonen ezkondu aurreko agur-afaria prestatzen ari da Kevin, eta kontratatu duen stripperraz maitemindu da.
Ezkontzako eragozpen handiena izeba Socorro izango da. Itxasok hanka sartu du, eta ezkontza berari dirua ateratzeko aitzakia besterik ez dela jakingo du Socorrok.
Zer gertatuko da? Celiaren eta Higinioren arteko harremana hobetuko al da? Zer ezkutatzen dio Nelsonek Leori? Zer gertatuko da Socorrorekin?
'Goenkale' astelehenero emititzen da, 22:15ean, ETB1en.
