Goenkale
Aurrerapena
Ertzainburu berria ezagutuko dugu gaur 'Goenkale'n
Gainera, Arralde eta arraldetarrak dar-darka utziko dituen astindua izango da. Gaur, 22:15ean, ETB1en izango dugu ikusgai.
Informazio gehiago (1)
Ertzainburu berria ezagutuko dugu gaur 'Goenkale'n (ETB1en, 22:15ean). Gainera, Arralde eta arraldetarrak dar-darka utziko dituen astindua izango da.
Kandidok inguruan lapurretak egin dituen persona atzeman du, eta guztiek zoriondu dute horregatik. Aldiz, Nekane kargutik kenduko dute. Dena den, ezusteko handiena Nekane ordezkatuko duen Ertzain-etxeko buru berria nor den jakitean izango dute.
Sabino Lupe ihes egiten ari zaiola ohartu da, harne lagun Asierrek hitzordua baitu emakumearekin. Gainera, Sabinoren beraren aholkuei jarraiki, dantzatzera eramango du. Oso gustura egongo dira elkarrekin, eta musurik ere izango da amaieran.
Barbarak elkarrekin dantzan topatuko ditu Kepa eta Mireia. Elkarren arteko konplizitatea gero eta handiagoa da, eta Barbara kezkatzen hasiko da. Hori dela eta, Keparen ezkontza-proposamena onartuko du.
Erikaren sekretua ezagutu egingo da, baina ez hark nahi lukeen moduan. Izan ere, Kaietek, maltzurkeriaz, aurre hartuko dio, eta Manexi kontatuko dio.
Sentimendu asko pitzatzen hasiko dira arraldetarren artean, baina herria ere ez dago salbu. Astindu handi batek Arraldeko zimenduak dar-darka jarriko ditu, baita herritarrak ere.
