Goenkale
Aurrerapena
Paolak Luisen dolarrak ertzain-etxera eramango ditu gaur, 'Goenkale'n
EiTB
Paolak zaborretan topatu zituen dolarrak aurkituko ditu Kevinek, eta Ertzaintzari emateko eskatuko dio Paolari. Gaur, 22:15etik aurrera, ETB1en.
Gaur gaueko atalean, Taniari hildako amonaren irudia agertuko zaio berriz, amesgaizto batean. Tartean, kimioterapiaren efektuak ezkutatzeko umorea erabiliko du Hodeik. Hala ere, Jagoba bereziki kezkatuta dago semearen gaixotasunarekin, eta isilpean sufritzen du. Izaskunek sufrimendua arintzen lagunduko dio.
Kevinek Paolak zaborretan topatu zituen dolarrak aurkituko ditu, eta Ertzaintzari emateko eskatuko dio. Baina Paolak Ertzaintzari emandako poltsa horrek norbaiten hatz-markak ditu. Norenak izango ote dira?
Alaznek nebaren gaixotasuna sendatu ahal izateko jaio zela jakingo du. Berri horrek guztiz nahigabetuta utziko du Alazne.
Azkenean, Kepak eta Barbarak Lukasi iruzur egitea lortuko dute, eta enpresari izan nahi duen ume bat baino ez dela erakutsi. Lukasen gainbeheraren hasiera ekarriko du horrek.
Hau guztia, 'Goenkale'ko hurrengo atalean, 22:15etik aurrera.
