Gu Ta Gutarrak
Kide berria
Aitzol kuadrilla arrosakoa izango da: 'Egurreeeee!!!'
I.A.
Aitzol Belasko lemoarra talde arrosako kidea izango da. Morga goitik behera aldatzeko gogoekin sartu zen aterpetxera. "Egurre" emateko asmoarekin dago.
Albisteak (1)
Informazio gehiago (1)
"Gu Ta Gutarrak" saioan kide batzuek agur esaten dutenean, berriak sartzen dira, eta horietako bat da Aitzol Belasko. Gogotsu iritsi zen lemoarra Morgako aterpetxera, "egurre" emateko prest, Morga goitik behera aldatzeko asmoarekin. Taldeen dinamikan sartzeko gogoa du, eta isilik geldituko ez dela aitortu du Aitzolek.
Oraingoz, Olatz eta Oier dira bere gustukoenak. Ibarrakoa atsegina eta zabala iruditu zaio. Bizkaitarra izateagatik eta izaera jatorra izateagatik gustatu zaio Oier. Bestalde, gutxien sustatzen zaiona Txurru da. Aho-handia eta harroa iruditu zaio, eta bere janzteko modua ere ez zaio gustatu. Neska politak omen daude lehiakideen artean, ba omen dago non aukeratu. Baina argi duen gauza bakarra zera da: "Egurrrrreeeeeee!!!".
Indartsua eta oso xelebrea iruditu zaie Aitzol gainerako lehiakideei. Irantzuren ustez, oso fuerte sartu da arratiarra, eta bere begiratzeko moduak beldurra ematen omen dio. Leireren ustez "harrikada" handia omen du buruan.
Kirola egitea gustatzen zaio, udan sorosle lanetan aritzen da, eta heziketa fisikoa ikasten ari da Gasteizen. Ez du bikotekiderik, baina neska baten bila ari da.
Kuadrila arrosara
Jolas baten bidez erabaki zuten zein taldetako kide izan behar zuen Aitzolek. Txokor-batzean ibili ziren kuadrilla arrosa eta urdina, eta bigarrenek irabazi zuten. Aitzol talde arrosara joatea erabaki zuten, uste baitute Alain berriz sartuko dela saiora. Alde egin aurretik, Argoitzek eskaera bat egin omen zuen: bere ordez Alain sartzea. Teoria bitxia urdinena. Egia al da ala ez dute Aitzol gustuko? Aurrerago ikusiko dugu!
