Gu Ta Gutarrak
SAN VALENTIN EGUNA
Maitasuna nagusi, gaurko 'Gu ta gutarrak' saioan
Aste honetan San Valentin Eguna ospatzen dela-eta, ostegunean saio berezia izango dute gure gutarrek, eta maitasunaren eta laguntasunaren gutar eguna ospatuko dute.
Galeriak (1)
Informazio gehiago (1)
Gaurkoa egun berezia izango da 'Gu ta gutarrak' saioko gutarrentzat. Izan ere, maitasuna nonahi zabaldu eta banatuko dugu: benetako maitasuna, lagun arteko maitasuna eta muxuak.
Muxuak eman, lapurtu, bilatu edo bat-batean aurkitu daitezke. Hori dela eta, osteguneko saioan "muxu kam" berria martxan jarriko dugu muxuak oparitzeko, lortzeko eta banatzeko.
Bestalde, punta-puntako teknologia berritzailea erabiliz eta gutarren izenak eta datuak elkar-gurutzatuz, Maitetesta egingo dugu: bikoteen arteko bateragarritasuna neurtzen duen aplikazioa.
Maitasun-geziak Morgara iritsi dira asteburuan eta platoan Kupido eta Kupidina izango dira gurekin.
Ez ezazue galdu gaurko 'Gu ta gutarrak' saioa, 21:00etatik aurrera, ETB1en!
