Gaur, parte hartu 'Gu ta Gutarrak 5'en topaketa digitalean!

Gaur 'Gu ta gutarrak' Euskal Herriko gutar jatorrena aukeratzea helburu duen elkarbizitza saioak bosgarren edizioa abiatuko du. Estreinaldia dela eta, 20:00etatik aurrera, denboraldi berriko protagonistetako batzuekin topaketa digitala egiteko asmoa du saioak.

Zuzenean, Julen Telleria aurkezleari, Txurru eta Amaia kuxkuxeroei, eta Iban Garcia (@despertavlogs) youtuberrari galderak egin eta elkarrizketatzeko aukera izango duzu. Ahal duten neurrian, behintzat, saioaren inguruan duzuen edozein jakinmin eta galdera erantzuten saiatuko dira.

Gainera, inor baino lehen, plato berria eta berrikuntzetako asko ezagutzeko aukera ere izango duzue.

Horretarako, zuen galderak gutagutarrak@eitb.eus helbide elektronikora bidalita, WhatsApp bidez 695 577 802 telefono-zenbakira edo Twitter bidez #gutagutarrak traola erabilita bideratu ditzakezue. Gaur bertan, jakina, traola berbera erabili beharko duzue gure protagonistei zuen galderak egiteko edo zuzenean gertatzen ari den edozer gauza komentatzeko.

Zuen zain gaude!