Gure Kasa
21:30ean
Jakoba Errekondo, gaur gauean, 'Gure Kasa' saioan
EITB
Gainera, Mikel Garaizabal enologoarekin Euskal Herriko lehenengo garagardo-upategia ezagutuko dute, eta Aitor Frantsesenak bere autoa eta gidatzeko modua erakutsiko dizkigu.
Gaur gauean, Jakoba Errekondo izango dute 'Gure Kasa' saioan gonbidatu. 33 urte daramatza irratiko uhinetan landareei, baratzeei, zuhaitzei eta antzeko gaiei buruz hitz egiten. Durangoko Azokan libururik salduenetakoak bereak izan dira urte askotan eta bere webguneak bisita pila bat jasotzen ditu. Askoren ustetan, Euskal Herrian landareei buruz gehien dakien gizona da.
Horrez gain, Oiartzunera joango dira Mikel Garaizabal enologoarekin, Euskal Herriko lehenengo garagardo-upategira. 1998an hasi ziren garagardoa ekoizten, eta Euskal Herrian ez ezik, hemendik kanpo ere sekulako arrakasta du Pagoa garagardoak.
Aitor Frantsesena Gallo gure kolaboratzaileak altxor txiki bat erakutsiko digu gaur: bere autoa. Eta erakutsi bakarrik ez, gidatu ere egingo du, eta gogoratu Aitor itsua dela.
'Gure Kasa' gaur izango da ikusgai, 21:30ean, eitb.eus-en eta ETB1en.
