Pello Zabala izango da gaurko gonbidatua 'Gure Kasa' saioan

Gaur gauean, 'Gure Kasa'n, Pello Zabala Arantzazuko fraide frantziskotar ezaguna hartuko dute. Besteak beste, eguraldi kontuetan da aditua Zabala, batik bat tenporetan, eta udaberrian eta udan eguraldiak zer-nolako joera izango duen argituko du.

Gorane, berriz, Arantzazuko santutegira joango da barrutik nolakoa den eta horren sekretu guztiak erakusteko. Nerea Aliasek Pello Zabalaren irudi bitxi asko aurkitu ditu ETBko artxiboan. Denetik egin du, eta bideo guztiak daude gordeta.

Aitor Frantsesenak, bere tartean, erretinosi pigmentarioa daukan Usoa Eusebio izango du gonbidatu. Nahiara Gagorekin, hizkuntzarekin eta euskarekin jolastuko gara, eta Iñigo Vicensek beste Fit Camp bat aurkeztuko du: 'Gure Kasa'ko lantaldearekin ahalegindu da aste honetan.

'Gure Kasa' 21:15ean izaten da ikusgai, astelehenetik ostegunera, ETB1en eta eitb.eus-en.