Hauxa2
22:00etan
'Jokoa ez da errenta', gaur gauean, 'Hauxa2' saioan
EiTB
Kirola, apustua eta esfortzua izango dituzte hizpide Onintza Enbeitak eta Ana Goitiak, eta apustua ere egingo dute.
Hainbat igandez atseden hartu ostean, berriz ere bueltan dira 'Hauxa2' saioko neskak, gaur, ETB1en. Aste honetan saioan, gainera, Onintzaren eta Anaren alde indartsu eta kementsua ezagutuko dugu. Izan ere, Euskal Herriko trontza txapeldunekin topo egin eta, beroaldi baten ostean, apustua egingo dute: autoa jokatuko dute!
Horren harira, 'Hauxa2'ko bikoteak kirola, apustua, izerdia eta esfortzua izango ditu hizpide. Bide horretan, euskaldunok muturreko kirolak egiteko dugun zaletasuna aztertu eta apustuen mundua gertutik ezagutuko dute. Buru-belarri sartuko dira kirol munduan, besteak beste, Idoia Etxeberria harri-jasotzaile txapeldunaren, Iñaki Artola pilotariaren, Lea Artibaiko neska arraunlarien eta Zigor Iturrieta ETBko 'Chiloe Lasterka Munduan' saioko aurkezle eta kirolariaren eskutik. Artekari baten laguntzaz, apustuaren gazi-gozoak ere ezagutuko dituzte.
Saioaren amaieran jakingo dugu apustuan Anak eta Onintzak euren autoa galduko duten edo ez.
'Hauxa2' saioa, 22:00etatik aurrera, ETB1en eta eitb.eus-en.
