Aizarnazabalgo 'Herri Txiki'k audientzia-harrera bikaina izan du

Igande honetan, Mikel Pagadik eta Zuhaitz Gurrutxagak Aizarnazabal herri gipuzkoarra ezagutu zuten 'Herri Txiki, Infernu Handi' saioan, eta audientziaren harrera oso ona izan zuten. Oro har % 4,2ko audientzia-zatia, eta euskaldunen artean % 9,3koa lortu zituen saioak. Halaber, 155.000 ikus-entzuleko audientzia metatua izan zuen Euskadin eta eragin-eremuan.

Denboraldiko batezbestekoari dagokionez, % 3,6koa izan da orain arteko kuota; % 8,5koa, euskaldunen artean. Gainera, 126.000 ikus-entzuleko audientzia metatua bereganatu du Euskadin eta eragin-eremuan.

EiTB Nahieran dago ikusgai Aizarnazabalgo 'Herri Txiki Infernu Handi'.