Hitzetik hortzera
Bertsolari Txapelketa
Iruñeko saioa zuzenean eta bertso onenak, 'Hitzetik Hortzera'n
A.E.|EiTB
Larunbatean jokatuko da Txapelketa Nagusiko azken finalaurrekoa Iruñean eta han erabakiko da finaleko zortzikotea. Saioa zuzenean eskainiko da ETB4n eta eitb.eus atarian.
Larunbatean Iruñean jokatuko da Bertsolari Txapelketa Nagusiko azken finalaurrekoa eta han erabakiko da zein zortzi bertsolarik abestuko duten BECeko finalean. Aitor Mendiluze, Aitor Sarriegi, Alaia Martin, Miren Amuriza, Oihana Iguaran eta Unai Agirre ariko dira kantuan.
Saioa zuzenean eskainiko da ETB4n eta eitb.eus atarian 16:55etik aurrera. Aitzol Barandiaranek aurkeztuta, Uxue Alberdik egingo ditu iritzi-emaile lanak.
Bestalde, bezperan Iruñean kantatutako bertso onenak eskainiko ditu igandeko 'Hitzetik Hortzera' saioak arratsaldeko 15:00etan eitb.eus-en eta ETB1en.
