Itxi

Irabazi arte

Irabazi arte

2022/01/14

14:54

Irabazi arte

Aurrestreinaldia

"Irabazi Arte" fikzio berriaren aurrestreinaldia Gasteizen, urtarrilaren 22an. Lortu zure gonbidapena!

EITB Media

"Go!azen"en arrakastak sustatuta, Pausoka ekoiztetxeak ETBrentzat sortutako proiektu berria da "Irabazi Arte". Telesailak neska gaztetxoen futbol-talde bat hartzen du oinarri eta otsailaren 11n estreinatuko da telebistan.

0:30
Promozioaren irudi bat, EITB Mediako bideo batetik ateratakoa.
  • Whatsapp
  • Whatsapp
  • Bidali

Euskal Telebistak otsailaren 11n estreinatuko du "Irabazi Arte" euskarazko fikzio berria, eta aurretik, gazteei zuzendutako aurrestreinaldiak antolatuko ditu lau hiriburuetan, telesailean parte hartuko duten aktore protagonisten partaidetzarekin.

Gasteizko aurrestreinaldia izango da lehena. Datorren larunbatean, urtarrilak 22, Gasteizko Europa Jauregian egingo da ekitaldia, 17:30ean, eta gonbidapenak lortzeko irabaziartegasteiz@eitb.eus helbidera idatzi behar da, gehienez lau gonbidapen eskatuz. Ekitaldian izango dira, gainera, telesailaren aktore protagonista gazteak, horien artean, Sua Esperantza, Ane Iturrate, Nahia Sillero, Ane Gamendia, Ainhoa Azpitarte, Joana Garitano, Ibai Ugarte eta Ander Rovira.

Hurrengo egunetan, gainontzeko hiriburuetan antolatuko dira aurrestreinaldiak: Donostiako Kursaalean urtarrilaren 30ean (12:00etan), Bilboko Euskaldunan otsailaren 5ean (12:00etan) eta Iruñeko Baluarten otsailaren 6an (12:00etan). Ekitaldi hauetarako gonbidapenak oraindik ez daude eskuragai eta honen inguruko informazio guztia "Irabazi Arte" saioaren webguneak jasoko du.

Lau aurrestreinaldi hauek telesailaren ekoizpenean parte hartu duten erakunde eta enpresen eskutik egingo ditu Euskal Telebistak; horien artean, Laboral Kutxa, Emakunde  eta El Corte Inglés.

Fikzio berria, ETB1en

"Irabazi Arte" telesailak neska gazteen futbol-talde bat hartzen du oinarri. Protagonisten bitartez, gaur egun gizartean ematen diren askotariko gaiak landuko ditu: hala nola, futbolaren inguruan eta kirolean bizi den giroa, emakumeen ahalduntzea, nerabeen eta gurasoen arteko harremanak, familia, eta, oro har, gaur egungo nerabeek dituzten erronkak islatuko dituzte.

Musikak garrantzia berezia izango du ekoizpen honetan. Alde batetik, Chill Mafia kolektibo nafarreko Irenek, Kiliki Freskok eta Suneok egin dute karetako abestia. Bestalde, egungo euskal talde garrantzitsuenetako batzuen musika tartekatuko da. Besteak beste, lehen atalean Zetak, Bengo eta Omagoren abestiak entzungo dira, Oso Polita diskoetxearen eskutik.

Aski ezaguna den "Go!azen"en arrakastak sustatuta, Pausoka ekoiztetxeak ETBrentzat sortutako proiektu berria da "Irabazi Arte". Javier Garcia de Vicuña da zuzendaria, eta Sua Enparantza, Iker Galartza eta Jose Ramon Soroiz ditu protagonista nagusi, besteak beste.

Euskadin erreferente izatea eta publiko berriarentzat erakargarriak diren entretenimendu proiektuak gauzatzea da EITB ikus-entzunezko taldearen helburua. Zerbitzu publiko izaera uztartuz, euskarazko ikus-entzunezko ekoizpenaren aldeko apustuarekin bat egin du EITBk, gazteei eta publiko familiarrari zuzendutako euskarazko fikzio honen garapenean. Horrekin batera, sorreratik bere gain hartu duen funtzio soziala betetzea ere funtsezkoa du EITBk.

 

  • Bisitatuena

      Kargatzen ikusiena
      Kargatzen ikusiena
    ;