Soinu Ehiztaria
ETB1en
Patxi Bisquert, gaur gauean, 'Soinu Ehiztaria' saioan
A.E.
EiTB
Tasio filmeko protagonistaren bizitza ezagutuko dugu Xabier Larrazabalek aurkeztutako saioan.
Gaur gauean, 22:40ean, ETB1eko 'Soinu Ehiztaria' saioan, Patxi Bisquert aktorea ezagutuko dugu. Tasio, 80. hamarraldian Montxo Armendarizen filmari esker ospetsu egin zen ikazkina. Pertsonaia harengatik laudorio ugari jaso zituen Bisquertek orduan eta harez geroztik aktoreak beste dozenaka filmetan parte hartu du.
Eta ez du nolanahiko bizitza izan. Zizurkilgo Fraisoro etxean jaio zen arren, Nafarroako herri txiki batean, Astitzen, bizi da gaur egun. Bidean Hondarribian, Eibarren, Galizian eta beste herri batzuetan ere pasatu ditu urteak. Kartzelan ere denboraldi bat egon zen eta istorio asko bizi izan ditu.
Guzti horretaz hitz egin du Xabi Larrazabalek aste honetako protagonistarekin, nola ez, bizitzan zehar berarekin izan dituen soinuen laguntzarekin.
rekin.