Zuek hor
Gaur
Maria Amolategi musika kontuez, 'Zuek hor eta gu hemen' saioan
Erredakzioa
Manu Maritxalarrek, Nagore Osorok eta Haritz Gallastegik osatuko dute Bastante interesante ataleko mahai-ingurua.
Asteazkenero bezala, Maria Amolategik Euskal Herriko nahiz nazioarteko musika albiste eta nobedadeen berri emango digu Alkain eta Galartzaren 'Zuek hor eta gu hemen' saioan. Amolategi, Alkain eta Galartza; ederra hirukotea! Gainera, abesti oso ezagun baten bertsio berezi bat ere eskainiko digu hirukoteak, Jon Urbietarekin batera.
Asteazkena egun aproposa da tertulia apur bat izateko, eta, ohi legez, Agurne Anasagastik gidatuko du tarte hau. Nagore Osoro, Haritz Gallastegi eta Manu Maritxalar izango ditu berriketa-lagun mahaiaren inguruan.
Bestalde, tablet zoragarri bat irabazi nahi? Ba al dakizue fraideek ahopean abesten duten kanta zein den? Bidali erantzuna eta izen-abizenak 605779540 telefono-zenbakira WhatsApp bidez, eta ostiraleko zozketan parte hartuko duzu!
Hori guztia eta askoz gehiago, 15:40tik aurrera, ETB1en.
