The Kites taldea etorriko da 'Zuek hor' saiora zuzenean abestera

Astearen erdira iritsita, gaur, asteazkena, asteburuari begira jarriko gara 'Zuek hor' saioan. Maria Amolategik Euskal Herriko nahiz nazioarteko musika albiste eta nobedadeen berri emango digu. Gaurkoan etxeko talde batekin etorriko zaigu Amolategi. ETB1ek eskaintzen duen 'A Ze Banda!' saioko The Kites taldea izango dugu zuzenean abesten.

Asteazkena egun aproposa da tertulia apur bat izateko, ezta? Astero legez, Agurne Anasagastik gidatuko du tarte hau. Nagore Osoro, Haritz Gallastegi eta Manu Maritxalar izango ditu solaskide mahaiaren inguruan.

Egunero bezala, zuzenean izango dira Alkain eta Galartza Nuntzeberry atalarekin; Txomin segurtasunekoa, La Jaio txonia, Jon Urbieta sare sozialak eta teknologia txokoarekin?

Bestalde, Orioko Aisia hotelean bi pertsonarentzako asteburu zoragarri bat irabazi nahi? Ba al dakizue fraideek ahopean abesten duten kanta zein den? Bidali erantzuna eta izen-abizenak 605779540 telefono-zenbakira WhatsApp bidez, eta ostiraleko zozketan parte hartuko duzu!

Hori guztia eta askoz gehiago, 15:40tik aurrera, ETB1en eta eitb.eus-en.