2024/06/01

Gaur giro aldakorrarekin jarraituko dugu. Araba hegoaldean eta Nafarroa erdi eta hegoaldean hodeiak urriagoak izango dira orokorrean, ostarte ederrekin. Gainerako tokietan ostarteak ez dira hain ugariak izango, eta une batzuetan hodeitza trinkotu egingo da; orduan euri txikia egin dezake, tarteka zaparrada mardulagoren bat baztertu gabe, batez ere egunaren erdialdeko orduetan. Tenperaturan ez da aldaketa handirik espero eta ipar-haizea ezatsegina izango da hainbat unetan.

Tenperatura:

• Bilbao: 13/19 ºC
• Donostia:11/18ºC
• Gasteiz:7/17 ºC
• Iruña:11/20 ºC

2024/06/02

Igandean ere antzera jarraituko dugu, batez ere egunaren lehen partean. Eguraldia aurreko egunekoaren oso antzekoa izango da, bai iparraldean eta baita hegoaldean ere, batez ere goizean; orduan euria egingo du han-hemenka, gehienbat ipar partean, goizaldean zaparrada batzuk baztertu gabe. Arratsaldean ipar isurialdean hodeitzak arintzera egingo du. Tenperaturan ere aldaketa handirik ez da izango, baina baliteke pixka bat igotzea. Ipar-haizea nagusituko da beste behin.

Tenperatura:

• Bilbao: 14/20 ºC
• Donostia:14/19ºC
• Gasteiz:9/19 ºC
• Iruña:12/20 ºC

2024/06/03

Astelehenean giroak argitzera egingo du. Hala ere, egunaren lehen partean iparraldean behe-hodei ugari izango dira eta euri txikia egin dezake Kantauri isurialdean, bereziki ekialdean, probabilitate handiagoarekin goizaldean eta goizean goiz. Egunaren bigarren partean hodeiak gutxituz joango dira eta ostarte ederrak zabalduko dira. Hegoaldean, aldiz, giroa eguzkitsua izango da hasieratik. Eguerditik aurrera ipar-ekialdeko haizea ibiliko da eta tenperatura maximoak igo egingo dira; 21-24 ºC artera iritsiko dira, Nafarroa hegoaldean altuagoak izango direlarik.

Tenperatura:

• Bilbao: 14/22 ºC
• Donostia:14/20ºC
• Gasteiz:9/21 ºC
• Iruña:11/23 ºC