Eguneko Titularrak

Merkantzien zirkulazioa 24 orduz etengo dute mugan, 10:00etatik astearteko 10:00ak arte. Hori dela eta, goizean goizetik, Gipuzkoako eta Nafarroako errepideetan auto ilarak sortu dira.

Traktore karabana luze bat auto-ilarak sortzen ari da, Frantziako mugarako bidean. EBren babes handiagoa eta inportazioen kontrola eskatzen dute manifestariek.

Euskal kostaldeko udalerri gehienetan debekatuta dago txakurrekin hondartzara sartzea, baina badira salbuespenak. Zeintzuk diren jakin nahi?

Trafikoan eragin handiena A-1 eta A-15 errepideetan izaten ari da, Villabona eta Andoain artean, Irungo noranzkoan, baita N-121-A errepidean ere, Irun inguruan.

Claudia Sheinbaum Mexikoko hautagai ofizialistak alde handiarekin irabazi ditu igande honetako hauteskundeak, Hauteskunde Institutu Nazionalak argitaratutako kontaketa azkarraren arabera.

Europar Batasuneko nekazaritza politikak baserritarren lana baldintzatzen du. Esplotazio txikiak, familian kudeatutakoak, justu justu bizirauten ari dira, bai hemen baita Portugal bezalako herrialdeetan ere.

Gaur zabalduko ditu ateak BECen egiten den azokarik handienak. 29 herrialdetatik etorritako 1.558 enpresak erakutsiko dituzte euren produktuak eta berrikuntzak bertan.

Azken urteetan, teknologia berrietan, robotizazioan, digitalizazioan eta automatizazioan espezializatutako langileak trebatzen ari dira Elgoibarko IMH Campusean. Gazteez gainera, jakintza berriak nahi dituzten langileak ere bertaratzen dira, Ixaka Egurbide zuzendari gerentearen hitzetan.

Ostiralean Mannheimen labanaz eraso zioten 29 urteko agentea hil egin da igande arratsalean, zituen zaurien ondorioz. Erasotzailea jatorri afganiarreko 25 urteko gizon bat da, duela hamar urte iritsi zena Alemaniara, eta erasoaren ondoren atxilotu egin zuten. Tirokatu egin zuten eta larri dago.

Idoia Asurmendi abeslari aramaioarrak bere azken lana, 'De amar y Desandar' aurkeztu zuen atzo Londresen, Camden auzoan. Ez zuen bakarrik egin; bere ahizpak, Bea Asurmendik ere bere lehen singlea eskaini du: 'Otsemeak'.

Gogotik ari dira lanean Kaliforniako suhiltzaileak, hegazkinen laguntzarekin, larunbatean hasi zen eta igande honetan piztuta jarraitzen duen sute bati aurre egiteko. San Frantziskoko badiaren eta Kaliforniako erdigunearen arteko eremu batean piztu da sutea, agintariek adierazi dutenez.

Joan dan azaroan Ebanjelarien dorreen multzoa burutu ondoren, Familia Santuari Jesukristoren dorrea baino ez zaio geratzen erdiko dorreen multzoa amaitzeko.

EAJ, EH Bildu, PSOE, Sumar, PP eta Podemos hautagaitzen ekitaldi politikoak kanpainaren 11. egunean.

Lau gunetan banatuta, goiz eta arratsalde, ume zein helduentzako jarduerak izan dira herrian. Kalerik kale ere ibili dira dantza zein musika ikuskizunak.

10 langileak Arrotxapean atxilotu zituzten 1936an, eta ez zuten haien berririk izan 2022an aurkitu zituzten arte. Haien oroimenez, monolito bat eta eskultura bat inauguratu dituzte.

San Martin Auzo Elkarteak antolatuta, Miramar jauregian elkartu eta Kontxatik paseoa egin dute ehunka donostiarrek kapela jantzita, udari hasiera emateko. Auzoa ezagutarazteko abiatutako ekimena tradizio bihurtzeko bidean da arrakasta ikusita.

13:00ak inguruan gertatu da ezbeharra. Gidaria Machain hoteleko terrazara sartu da autoarekin eta albo baten gainean biratuta gelditu da. Alkohol frogan emandako tasa altuagatik, bide-segurtasunaren kontrako delitua leporatuta inputatuko dute. Bi emakumeak erietxera eraman dituzte zaurituta.