Albisteak
Bigarren edizioa
El Drogasek, Flitterrek eta Eskorbutok itxi dute Lapuebla Rock Festeko egitaraua
LUZIA ZUGADI | EITB.EUS
Ekainaren 29an eta 30ean egingo dute jaialdiaren bigarren edizioa. Doctor Deseo, Zea Mays, Gatibu eta Riot Propaganda ere hantxe arituko dira.
Lapuebla Rock Fest jaialdiaren bigarren edizioa ekainaren 29an eta 30ean egingo dute. Duela aste batzuk jakinarazi zuten Riot Propaganda arituko dela bertan, eta beste bi emanaldi baieztatu zituzten geroago: Doctor Deseo eta Zea Mays talde bilbotarrenak, hain zuzen. Azken iragarpena Gatibu taldearena izan zen.
Horrekin, baina, ez zegoen egitaraua erabat itxita. Azken orduotan zabaldu dutenez, El Drogas, Flitter eta Eskorbuto ere batuko zaizkie beste horiei.
Kontzertuak egunez egun
Ekainak 29, ostirala
El Drogas
Kaotiko
Zea Mays
Planeta Def
Tobogan
Ekainak 30, larunbata
Riot Propaganda
Gatibu
Doctor Deseo
Eskorbuto
Flitter
Eh! Mertxe
Sarrerak
Egun bakarreko sarrerak 23 euroan daude eskuragarri. Txarteldegian, 26 euroko prezioa izango dute, eta bi egunetarako bonuak, 35 eurokoa (40 eurokoa, txarteldegian erosiz gero).
Gainera, 10 euroren truke, kanpatzeko aukera egongo da.
