Albisteak
Saio berezia
Bide Ertzeanen 'Leidor Sessions', gaur ETB-3n ikusgai
Luzia Zugadi
22:00etatik aurrera, talde tolosarraren hamar urteko ibilbidea jasotzen duen Leidor Session lanari buruzko saio berezia emango du ETB-3k.
Bide Ertzean taldeari eskainitako saio berezia emango du gaur ETB-3 telebista-kateak, 22:00etatik aurrera.
Urte bat beteko da orduan, hamargarren urteurrena ospatzeko, Bide Ertzeanek Tolosako Leidor aretoan kontzertu ahaztezin hura eman zuenetik.
Sarrera guztiak agortu ziren eta taldeak hamar urteko ibilbide luzean grabatutako abesti arrakastatsuenak kantatu zituen. Gainera, taldearen kantu berrienak ere entzun ziren eta zuzenekoa osorik grabatu zuten. Horren emaitza da aurki ETB-3n ikusiko den Leidor Session zuzeneko CD eta DVDa.
