Albisteak
Internet bidez
Keu Agirretxeak oparitu egingo du lan berria
Garazi Urdanpilleta
Ondarroako musikariaren Denbora vs kantuak diskoko 10 kantak urrira bitartean jaitsi ahal izango dira bere webgunetik eta Gaztelupeko Hotsak ataritik. Lehena dagoeneko eskuragarri dago.
Keu Agirretxeak oparitu egingo du lan berria. Denbora vs kantuak laneko 10 abestiak doan jaisteko moduan jarriko ditu musikariak bere webgunean eta Gaztelupeko Hotsak diksoetxearen atarian. Urrira bitartean, hilero abesti bat jarriko du eskuragarri MP3 formatuan. Lehena deskargatzeko prest dago jada: "Zuregana abiatzen naiz".
2010eko azaroan kaleratuko du, argitalpen mugatuan, kantu horiek jasoko dituen CDa eta, aginera, Donostiako Dokan eta Durangoko Plateruena antzokian eskainitako kontzertuen grabazioa, DVD formatuan, ere gehituko zaio CD bildumari.
KEUren berezko jarraitzaileei zuzendutako produktua izango da. Soinu kalitate handienean egina dago eta diseinu oso zaindua izango du, gainera.
