Johnny Depp dokumental bat prestatzen ari da Keith Richardsi buruz

Johnny Depp aktore estatubatuarrak dokumental bat egingo du Keith Richardsi buruz. Aspaldi zebilen Interneten horri buruzko zurrumurrua eta, azkenean, aktorearen bozeramaileak baieztatu egin du albistea.

Johnny Deppek The Rollings Stones taldeko gitarristari buruz daukan ikuspegi berezia azalduko du filmean. Artxiboko materiala eta kontzertuetako irudiak erabiliko ditu dokumentala osatzeko eta Keith Richardsen beraren kolaborazioa ere izango du.

Depp eta Richards aspaldiko lagunak dira (duela hamar bat urtetik hona) eta Pirates Of the Caribbean: At World''s End&' || 'nbsp;filmean elkarrekin egin zuten lan. Karibeko piraten historiako hirugarren filmean Jack Sparrow kapitainaren (Johnny Deppek betetzen duen rola) aita izan zen Keith Richards. Deppek proposatu zuen gitarristak paper hori egitea, berak beti aitortu izan baitu musikaria hartu zuela eredu gisa Jack Sparrow kapitainiaren rola betetzeko.