Azaroaren 3an helduko da Zea Maysen 'Harro', 20. urtemugaren atarian

Zea Mays taldeak iragarri du azaroaren 3an aurkeztuko duela Bilboko Kafe Antzokian Harro disko berria, 12:00etatik aurrera.

Hori ez da, ostera, talde bilbotarrari buruzko albiste bakarra. Izan ere, 2017an 20 urte beteko ditu Zea Maysek. Heldutasun maila altua duen taldea da, beraz, aipatutakoa.

Dena den, gai izan dira denbora berrietara egokitzeko, betiere, ameskeriatan jausi gabe. Hizkuntzaren harresia gaindituta, urteekin geroz eta jarraitzaile gehiago lortu dituzte, gazteen artean arrakasta handia lortuta. Horregatik, alegia, urteen joan-etorrian egindako ibilbideagatik, harro sentitzen dira Aiora Renteria eta taldekideak. Horixe da, hain zuzen, disko berriaren izenburua: "Harro".

Bertan jaso dituzte Dave M. Allenek ekoitzitako hamabost kantu berri. Berorrekin lan egin zuten, baita, 2013an argitaratutako Da diskoaren grabazioan.