Albisteak
Irailetik abendura
Abian da Belako taldearen mundu mailako bira
LUZIA ZUGADI | EITB.EUS
Moskun emango dute aurreneko kontzertua gaur bertan, eta azkena Glasgowen izango da abenduaren 2an.
Belako talde mungiarra errepidean da jada. Render me numb, trivial violence diskoko abestiak grabatzen ibili dira azkenaldian. Behin hori bukatuta, mundu mailako kontzertu bira bati ekin diote. Hain zuzen, gaur hasiko dute bira hori, Moskun, eta abenduan emango dute azken emanaldia (orain arte iragarritako azkena), Glasgown.
Bien bitartean, bide luzea egiteko asmoa dute. Moskun, adibidez, bigarren hitzordu bat dute larunbatean, eta jarraian iritsiko dira Tokioko eta Seulgo kontzertuak. Ondoren, Mexiko bisitatuko dute, han hainbat geldialdi egiteko. Bukatzeko, Europan hainbat zuzeneko dituzte hitzartuta: Londresen, Edinburgon eta Glasgown, besteak beste.
Disko berria
Oraindik ez dute iragarri noiz argitaratuko duten estudioko hirugarren lana, baina "laster" izango dela aurreratu dute.
Belakok 2016an kaleratu zuen Hamen diskoa. Eurie proiektuak, berriz, 2013an ikusi zuen argia.
Bira
Irailak 21, Mosku
Irailak 23, Mosku
Irailak 27, Tokio
Irailak 28, Tokio
Irailak 30, Seul
Urriak 1, Seul
Urriak 7, Mexiko Hiria
Urriak 13, Mexiko Hiria
Urriak 20, Los Angeles
Urriak 28, San Cristobal
Urriak 29, Tonala
Azaroak 10, Mexiko Hiria
Azaroak 11, Mexiko Hiria
Azaroak 21, Munich
Azaroak 22, Berlin
Azaroak 24, Hanburgo
Azaroak 25, Frankfurt
Azaroak 26, Düsseldorf
Azaroak 29, Londres
Abenduak 1, Edinburgo
Abenduak 2, Glasgow