2020/10/15

12:00

Albisteak

URRIAK 28 ETA 29

Bulego eta Dupla, BIME City jaialdian

AGENTZIAK | ERREDAKZIOA

BBK, Bilborock eta La Ribera aretoetan izango dira, urriaren 28an eta 29an, BIME Cityko kartela osatzen duten 13 taldeen kontzertuak.

  • Bulego taldea

    Bulego taldea

  • Whatsapp
  • Whatsapp
  • Telegram
  • Bidali

Aurten 13 talde arituko dira BBK, Bilborock eta La Ribera aretoetan, urriaren 28an eta 29an, BIME Pro kongresuaren barruan antolatzen den BIME Cityn.

Aretoak COVID-19ari aurre egiteko protokoloetara egokituta egongo dira, eta, urteroko formatuari jarraituz, profesionalentzat ez ezik, publikoarentzat ere egongo dira zabalik, edukiera bete arte.

Hauek dira BIME Cityko kartela osatuko duten taldeak: Baobabs will destroy your planet eta Juarez, Nafarroakoak; Kings of the Beach eta CRNDS, Galiziakoak; Jolly Damper, Playback Maracas, Tarta Relena eta Simona, Kataluniakoak; eta Verde Prato, Plágaros, Dupla, DouleurDolor eta Bulego, EAEkoak.

Bilboko aretoetako kontzertuez gain, Txileko, Portugalgo, Islandiako, Irlandako, Poloniako, Herbehereetako, Austriako eta Argentinako talde berrien 20 proposamen baino gehiago emango dituzte online, BIMEren plataformaren bidez.

Ikus-entzunezkoek ere tartea izango dute aurtengo jaialdian. Golem zinema-aretoek "Eso que tú me das" dokumentala proiektatuko dute, Jordi Évole zuzendariaren eskutik. Kazetaria Bilbon egongo da, hil aurretik Pau Donés musikariarekin izandako elkarrizketa jasotzen duen ikus-entzunezkoa aurkezteko.

BIME Pro biltzarra

BIME Pro jaialdiaren zortzigarren edizioa urriaren 27an, 28an eta 29an izango da, Euskalduna Jauregian. Aurrez aurreko hitzaldiak eta online bidezkoak uztartuko dituzte, eta, antolatzaileen arabera, dagoeneko 37 herrialde baino gehiagoko profesionalek baieztatu dute bertan izango direla. Biltzarraren barruan, BIME Tech sektoreko foroak esparru eta areto handietako kudeatzaileak bilduko ditu, besteak beste, COVID-19aren osteko erronkei buruz eta ekitaldi eta jaialdiek garapen jasangarria bultzatzeko bilatzen dituzten helburuei buruz hitz egiteko.

  • Bisitatuena

      Kargatzen ikusiena
      Kargatzen ikusiena