Gaztea
Musika
Eider Saezek Nøgen taldea utzi du
B. F. | EITB Media
Lau urteko ibilbidearen ostean, Eider Saez abeslariak taldea uztea erabaki du. Hala ere, Nøgenek bere bidea jarraituko duela jakinarazi du.
-
Eider Saez. Argazkia: EITB Media
Eider Saezek, Nøgeneko abeslariak, taldea utziko duela iragarri du sare sozialetan publikatutako ohar batean. Lau urteko ibilbidearen ostean, bere bizitzako "etapa honi agur esateko unea" iritsi dela azaldu du. Azken urte "bereziki gogor" honetan bizitakoen ondorioa izan da erabakia, Eiderrek berak Instagramen plazaratu duen oharrean irakur daitekeenez.
Urte hauetan bizitakoa eskertu du Saezek, eta egunaren amaieran "bihotza astun" sentitzeak erabakia hartzera behartu duela azaldu.
Gainera, berak proiektua utzi arren Nøgenek aurrera jarraituko duela jakinarazi du.
Banda donostiarraren unerik gozoenak bizi izan ditu Saezek. Besteak beste, "Under Alt" eta "Liv til døden" diskoen arrakastaz, ehunka kontzertuz eta publikoaren berotasunaz gozatzeko aukera izan du.
