Gaztea

11:58

Gaztea

Musika

Eurovisionen finala Turinen: faboritoak, ordutegia eta emanaldiak

B. F. | EITB Media

Eurovision jaialdiko finalera iritsi diren 25 herrialdeak larunbat honetan lehiatuko dira, Turinen. Espainia, Alemania, Erresuma Batua, Italia eta Frantzia faboritoen artean daude.

  • Chanel Terrero

    Chanel Terrero. YouTubeko bideo batetik ateratako irudia

  • Whatsapp
  • Whatsapp
  • telegram
  • Bidali
  • Esteka kopiatu

Larunbat honetan, maiatzak 14, ospatuko dute Turinen 2022ko Eurovision jaialdiaren final handia. Aurreko faseetan gailendu diren 25 herrialdeetako ordezkariek zuzeneko emankizunak eskainiko dituzte, 21:00etatik aurrera.

Aurtengo Big Fivea (azken itzulirako zuzenean sailkatu diren bost gustukoenak) Chanel Terrero (Espainia), Malik Harris (Alemania), Sam Ryder (Erresuma Batua), Mahmood & Blanco (Italia) eta Alvan & Ahez (Frantzia) artistek osatzen dute.


Gala RTVEren La 1 kanaletik, RTVE Play webgunetik eta Eurovisionen YouTubeko kanaletik izango da ikusgai, zuzenean. Herrialdeetako ordezkarien aktuazioez gain, Rockin' 1000 italiar taldea eta Måneskin (Eurovisioneko iazko irabazleak) ere oholtza gainera igoko dira.

Zuzenekoak bukatuta, jaialdian parte hartu duten musikarien aldeko bozketa fasea irekiko da. Gero, herrialde bakoitzeko ordezkariek Turinekin konektatuko dute herritarren bozketaren emaitzaren berri emateko.

Iruzkinak

    • Irratia zuzenean

    Gaztea Entzun zuzenean

    Bisitatuena

      Kargatzen ikusiena
      Kargatzen ikusiena