El Columpio Asesino taldeak jotzeari utziko dio

B. F. | EITB Media

Iruñeko bandak 24 urte eman ditu oholtza gainean. Euren areto kutunetan egingo dute agur bira.

Orria entzun Orria entzun

El Columpio Asesino. Argazkia: @elcolumpioasesinooficial

Whatsapp
Whatsapp
telegram
twitt
Bidali
Esteka kopiatu

El Columpio Asesino taldeak jotzeari utziko diola iragarri du bart.

Badoaz, azalpenik eman gabe. Izan ere, prentsa oharrean azpimarratu dutenez, denok nabaritzen dugu gure bizitzetan "noiz den zerbait utzi eta amaitu dela onartzeko momentua", eta ez dugu azalpen gehiagorik behar.

View this post on Instagram

A post shared by El Columpio Asesino (@elcolumpioasesinooficial)

1999an sortu zen taldea, Iruñean, Albaro eta Raul Arizaleta anaiek, Unai Medinak eta Xabier Ibero "Txibe"k. Urtebete beranduago, Gaztearen Maketa Lehiaketa irabazi zuen bandak, seikotea osatuta.

3:00

Maketa Lehiaketa urtez urte: 1997-2002

24 urteko ibilbidean, sei disko luze eta bi EP publikatu dituzte iruindarrek. Hainbat abesti gogoangarri utzi dituzten arren, "Toro" da bandaren hit eztabaidaezina. Dantzalekuetako ereserkiaz gain, abestiaren bideoklip ofizialak sei milioitik gora bisita ditu YouTube plataforman.

Euren areto kutunetan egingo dute 'Amarga Baja' deitu duten agur bira. Eta El Columpio Asesioren estiloan agurtuko dute publikoa, "gaua izerditzen eta gaua maitatzen".