Gaztea
Sariak
Bulegoren ‘Aldatu Aurretik’, Aitana, Lola Indigo eta Ana Menaren diskoekin lehian
B. F. | EITB Media
Espainiar Musika Akademiaren lehen sari banaketarako izendatuta daude gipuzkoarrak, pop disko onenaren kategorian.
-
Bulego. Argazkia: David P. Nuñez
Espainiar Musika Akademiak Bulegoren Aldatu Aurretik diskoa izendatu du, pop album onenaren kategorian, elkarteak banatuko dituen lehen sarietarako. Kategoria berean daude Aitanaren Alpha, Ana Menaren Bellodrama, Lola Indigoren El Dragon eta Nena Daconteren Casi perfecto.
Sortu berri den Musika Akademia elkarteak antolatutako lehen sari banaketa da aipatutakoa. Aurkeztu dituzten 2.629 proposamenen artean 200 finalista aukeratu zituzten epaimahaiko kideek, 48 kategoriatan banatuta.
View this post on Instagram
Finalistak aurkeztuta, Akademia osatzen duten 800 kideek izango dute azken hitza. Sari banaketaren data ezezaguna da oraindik.
Aitana, Arde Bogotá eta Guitarricadelafuente, María José Llergo, Quevedo eta Silvia Pérez Cruz dira urteko artistaren kategoriako izendatuak. Album onenarenean, ostera, Alizzzen Boicot, Arde Bogotáren Cowboys de la A3, María José Llergoren Ultrabelleza, Roberen Se nos lleva el aire, Rodrigo Cuevasen Manual de romería eta Silvia Pérez Cruzen Toda la vida, un día daude.
Kontsultatu hemen kategoria guztietako izendatuak.
