Sareetan ikusia: Depp Donostia Ospitalean, Gagaren ‘Harlequin’ eta Rosalíaren urtebetetze festa
Donostiako Zinemaldiko aurtengo edizioko izen handietako bat zen Johnny Depp aktorearena. Estatubatuarrak Sail Ofizialean aurkeztu du "Modi, Three Days on the Wings of Madness" filma.
Alfonbra gorritik kanpo ere ikusi dugu aktorea, pirata bihurtuta. Izan ere, Donostia Ospitaleko Onkologia eta Pediatriako haurrak bisitatu ditu, Jack Sparrow gorpuztuta.
CONTENIDO NO ENCONTRADO
Lady Gagaren disko berria?
Asteon albiste izan da musikari estatubatuarra, ezustean iragarri baitu Harlequin izeneko disko berria. 'Joker: Folie à deux' filmaren estreinuan iragarri zuen diskoa, eta berriak konfusioa sortu zuen zaleen artean.
Bada, Harlequin diskoa ez da Lady Gagaren estudioko zazpigarren diskoa izango, aipatutako filmaren aitzakian ateratako pop eta jazz abesti ezagunen bertsio bilduma bat baizik.
Diskoa Gagak sinatu duen arren, Harley Queenek (Jokerren duen pertsonaia) abestuko ditu diskoko abestiak. Nahastea argituta, haserre agertu dira musikariaren zaleak, gehienek Gagaren musika original berria espero baitzuten.