X-2011_gazteaxs-X
FUSIOA
Aurreskua, rock doinura
IDOIA ARANBARRI | EITB.EUS
Porco Bravo eta Auritz taldeko Kapi Guarrotxena gitarristak rock estilora moldatu du aurreskua ezkontza baterako. Ikus ezazu bideoa!
-
Aurreskua rock estiloan jo zuten unea. Argazkia: Kapi Guarrotxenaren bideotik hartutako kaptura
Euskal Herrian ospatutako ezkontza batean ez da aurreskurik falta izaten, eta larunbatean Loiun ospatu zen ezkontzan ere ez zuten galdu nahi izan. Oraingoan, ordea, aurresku tradizionala alde batera utzi eta bertsio modernoagora moldatu dute.
Porco Bravo eta Auritz taldeko gitarra-jotzailea den Kapi Guarrotxenak gitarra elektriko batekin jo zuen aurreskuaren musika ezaguna eta 'Aurresku de Honor' taldeko dantzaria dantzan jarri zuen. Bien artean sekulako fusioa eskaini zuten.
Musikaria izan da bideoa bere sare sozialean partekatu duena. Larunbatetik 14.000 ikustaldi baino gehiago izan ditu, eta 230 aldiz partekatu da. Hemen uzten dizuegu bideoa!
