Affinity Fundazioaren datuen arabera, abandonatutako txakurren erdiak bakarrik adoptatzen dituzte. Jaiotza-indizeek behera egiten dute urtetik urtera, eta maskoten kopuruak, berriz, gora. Izan ere, haurrak baino txakur gehiago dago Hego Euskal Herrian.

Ospitaleak burura ekarrita, medikuak, erizainak edota zaindariak datozkigu burura, baina eguneko lana egiteko lanbide oso garrantzitsu eta ikusezin bat dago: jostunarena. Donostia Ospitalean jostuna da Maider Larre, eta bertan zer eta nola egiten duten kontatu digu.

Eraikinetako bat EITBko egoitza da. Valladolideko Klub Mesetarioren puxika puztu behar izan dute azkenean, eta hortik erretiratzea lortu dute.

Gaztelugatxeko eskailerak igo bitartean, hainbat bermeotar ikusi dituzte ortozik Barandiaran eta Arraizak. Zergatik? Zer esan nahi du? Ermitara sartu dira erantzun bila.

Bizkaiko Suhiltzaileek aditzera eman dutenez, suge bat agertu da Mestikabasoko garaje batean, Gernikan. Abisuan suge-gorri bat zela esan dieten arren, pozoirik gabeko suge bat zela esan dute suhiltzaileek eta aske utzi dute animalia.

Ipar Amerikako marrubi uzta biltzeko denboraldi laburratik dator izena, eta ez da ohikoa ilargia arrosa kolorez janztea.

Irungo alberditarrak dira, Ardanzatik hona, lehendakariek izan dituzten makilen egileak. Hiru belaunaldi daramatzate eskuz makilak egiten. Dena dela, aginte ikur bihurtu aurretik, erabilera asko izan ditu makilak.

Emakume batek, Valeria Vitellak, Larrahe jainkosa baskoiari egindako eskaintza du aldareak, latinez idatzita. 2022an aurkitu zuten, Doneztebeko Erdi Aroko monasterioaren indusketa arkeologikoetan.

Marrubiak sardinekin, gailetak patearekin, txokolatea txorizoarekin... hauek bai gutiziak! Baina gure sofakideei gehien gustatu zaiena edaria izan da: norberaren txiza!

Iaz Bilboko Aste Nagusian adostutako erronkari eutsita, Gaztelugatxe Euskal Herriko 13 erraldoi horien topaleku bihurtu da larunbatean. Lan eskerga izan da erraldoiak igotzea, bakoitzak 30-37 kiloko pisua baitu.

Hauteskundeek utzitako irudi bitxien artean Bartzelonako bat dugu. Hango hautesleku batean, drag queen bat izan dute presidente. Beste batean, hauteskunde-mahaiko kideekin ospatu du bere urtebetetzea mahaikide batek.

"Repercusión" izeneko ekimen musikala antolatu du Vesarte kolektiboak laugarren aldiz. Belaunaldien arteko saioa izatea da antolatzaileen helburua, eta hala dirudi bertan sortutako giroa ikusita.

Gizona errepide erdira atera da Gipuzkoako hiriburuko erdigunean, eta aldean zeraman bastoia astinduz autoa uxatzeko keinua egin du. 'Bastoi antifaxista' izena jarri diote sare sozialetan.

San Martin Auzo Elkarteak antolatuta, Miramar jauregian elkartu eta Kontxatik paseoa egin dute ehunka donostiarrek kapela jantzita, udari hasiera emateko. Arrakasta ikusita, auzoa ezagutarazteko abiatutako ekimena tradizio bihurtzeko bidean da.

Alemaniako lizentziapean, DKW F89L modeloa IMOSA (Industrias del Motor, S. A.) enpresak fabrikatu zuen eta, denborarekin, Mercedes-Benzen esku geratu zen. Natxo Saenz de Camara bildumako ibilgailuetan espezializatutako kazetariak furgoneta horren arrakastaren jatorria azaldu digu.

10 metro luze izatera iritsi daiteke, eta munduko bigarren arrainik handiena da, marrazo balearen ostean. Hondartzan arrantzan ari ziren lagun batzuek ikusi dute, eta Zigor Argiñanok grabatu ditu irudiak.

Jakoba Errekondok eman dizkion gomendioak entzun ditzakezu hemen, eta baita Urdin Badiesi terrariuma egiteko ideia nondik heldu zaion eta hori egiteko zer teknika baliatu dituen ere.

Espainiako Estatuko hegoaldean, Galizian eta Portugalgo iparraldean izan da bart ikusgai. Portugalgo Babes Zibilaren arabera, litekeena da meteorito gisa erori izana Castro Daire inguruan, herrialdearen erdialdean. Almeriako Calar Altoko Behatoki Astronomikoak grabatutako irudiak.    

AEBko Estatu idazkariak bere musikarako dohainak erakutsi zituen bart, beste musikari batzuekin batera, Kieveko modako pub batean Neil Young rockeroaren abesti bat interpretatu zuenean.