Albisteak
AGENDA
Asteburuko kontzertuen agenda osatu dugu Gaztean
Zea Mays, Olatz Salvador, Dupla, ETS, Kalakan, Chill Mafia eta beste hainbat talde eta artista arituko dira asteburu honetan zuzenekoak ematen.
-
Olatz Salvador
Ekaineko azken asteburu hau, kontzertuz betea dator! Adi irakurri!
Asteburuari hasiera ezin hobea emateko, ekainaren 25ean, ostiralean, Nøgen taldeak Donibane Lohizuneko Ducotenia parkean joko du gaueko 21:00etan. Andoainek, bi talde hartuko ditu Ondarreta ikastetxeko patioan. Lehena, Chill Mafia izango da arratsaldeko 19:30etan, eta amaitutakoan, Duplak emango du zuzenekoa 21:30etan. Gipuzkoan jarraituz, Tolosako zezen plazan, Anne Etxegoienek 'Emazte' lana auzkeztuko du 19:00etan. Bestalde, Debako Kalbeton Zumardiko karpan, Unidad Alavesa eta Azken Sustraiak taldeek akustikoa emango dute, 19:00etan ere.
Bizkaian, Sopelako jaiak direla eta, Zea Mays izango da bertan gaueko 22:00etan, udaletxeko plazan. Ibil Bedi talde nafarra, Zaratamoneko Elexalde kultur etxean emango dute zuzenekoa, 19:00etan. Eta, 20:00etan, Lekeitioko Ikusgarri aretoan, Kalakan taldeak du hitzordua.
Larunbatean, Arabako hiriburuan, Gasteizen, Nøgen eta Sua taldeek Iradier Arenan joko dute, 18:00etan. Gasteizen ere, Judimendi auzoko jaietan, Duplak emango du zuzeneko kontzertua, 21:15etan. Bizkaian berriz, Ibil Bedi ikusteko bigarren aukera bat, izan daiteke. Izan ere, Iurretako plazan izango dira arratsaldeko 19:00etan. Leioako Kultur Leioan, Olatz Salvadorrek 'Aho Uhal' diskaren birarekin jarraituko du. Ekitaldia arratsaldeko 19:00etan hasiko da ere. Eta, Bizkaiko azkena, Igorreko Goiko plazan izango da, Idoia Asurmendi, arratsaldeko 19:00etan.
Gipuzkoan berriz, Tolosak bi talde handi hartuko ditu bere gain. Lehena, En Tol Sarmiento da zezen plazan izango direnak 19:00etan eta, bigarrena, Grises da Bonberenean izango direnak 19:00etan ere. Larunbatarekin amaitzeko, Hernaniko kiroldegiko pistan Zetak taldeak emago du zuzenekoa 20:00etan.
Asteburuari amaiera emateko, igandean, Kalakan taldeak Getxoko Muxikebarri aretoan du hitzordua, 19:00etan. Eta, Rüdigerrek, Azkoitiko Matadeixenen, 12:30ean.