Adele, andre eta jabe 2022ko BRIT sarietan

B. F. | Agentziak

Londreseko musikariak diskorik onenaren, abestirik onenaren eta artista onenaren garaikurrak eskuratu ditu 2022ko BRIT Awards sari banaketan.

Orria entzun Orria entzun

Adele, BRIT sarietan. Argazkia: EFE

Whatsapp
Whatsapp
telegram
twitt
Bidali
Esteka kopiatu

Bart ospatu da BRIT Awards sari banaketa, Londreseko O2 Arenan. 4.000 pertsonaz inguratuta, Adele artista izan da gaueko izarra, banaketako hiru sari handiak eskuratuta. Album onenaren ("30" diskoa), artista onenaren eta abesti onenaren (Easy On My) garaikurrak dagoeneko zituenei gehituta, BRIT sari gehien dituen bigarren artista izatera pasatu da Adele, Robbie Williamsen atzetik.

Britainiar musikariak berak I Drink Winen zuzeneko bertsio hunkigarria eskaini du sari banaketan.

Bestela, Ed Sheeranek bere lehen BRITa eskuratu du, urteko konposatzailerik onenarena. Artista berririk onenaren kategorian, Little Simz rap abeslari gazteak eraman du domina. Amaren besotik helduta jaso du musikariak bere lehen BRITa, gaueko unerik hunkigarrienetariko batean.

"Keep dreaming, keep pushing"@LittleSimz wins Best New Artist and takes the moment to thank her mum ¿¿ #BRITs pic.twitter.com/gOFtltSq1p
— BRIT Awards (@BRITs) February 8, 2022

Rock alternatiboko diskorik onenaren garaikurra Sam Fenderrek eraman du, "Deezer Sessions" diskoagatik. Gainera, Newcastlego musikariaren zuzenekoa gaueko txalotuenetarikoa izan da.

Dua Lipak pop eta R&B diskorik onenaren saria eraman du, baina ezin izan du jaso, Maiamin baitago. Olivia Rodrigoren Good 4 You abestiak nazioarteko kantarik onenaren garaikurra irabazi du; Billie Eilishek, ostera, nazioarteko artistarik onenarena.

Musika urbanoari dagokionez, Dave artistari eman diote 2022ko rap eta hip hop artista onenaren BRITa.