Rozalen, Amaia, Natalia Lacunza, Anne Lukin eta beste 14 emakumez osatutako kartela, 2022ko Ribera Sounden

B. F. - N. V. | EITB Media

Uztailaren 15etik 17rako asteburuan izango da aurtengo Ribera Sound festibala, Tuteran. Emakumez osatu dute kartela “musika jaialdietan dagoen gizonen eta emakumeen arteko arrakalaren erantzun gisa”.

Orria entzun Orria entzun

Rozalen. Argazkia: Ribera Sound

Whatsapp
Whatsapp
telegram
twitt
Bidali
Esteka kopiatu

Rozalen, Amaia, Natalia Lacunza, Ana Tijoux, Chica Sobresalto, Anne Lukin eta beste hainbat musikari bilduko dira Tuteran, uztailaren 15etik 17ra, 2022ko Ribera Sound jaialdian.

Karteburuez gain, Sofia Gabanna, Marlena, Maria Blaya, Miss Raisa, Paula Mattheus, Andrea Santiago artistek eta AWWZ, Cristina Casado, DREA, HITO, NIKKA, XUNE eta Zaira Sanchez disko-jartzaileek osatzen dute programazioa.

2:49

Amaia: ''Yamaguchi''

Festibaleko gonbidatu guztiak emakumeak dira, jaialdiko antolatzaileek jakitera eman dutenez, "musika jaialdietan gizonen eta emakumeen artean dagoen arrakalaren erantzun gisa".

Ribera Soundek ohar bidez azaldu duenez, "musikaren industrian, emakumeen papera transbertsala da" eta "egun dagoen desberdintasunaren aurka borrokatu behar da". Azkenaldian aurrerapenak egon diren arren, proiektua aurrera eramateko gogoz daude jaialdiko antolatzaileak "aspalditik frustrazioa" eragin dien arrakala desagerrarazteko pauso txiki bat izan daitekeelakoan.

Sarrerak otsailaren 11n jarriko dituzte salgai, 12:00etan, hemen.