Aisia 2021

Italiak mugak ireki ditu eta Europako turistak hartzeko prest dago. Hortaz, Europatik doazen turistek ez dute bost eguneko koarentenarik egin beharko.

Landetako kanpinetan Hego Euskal Herriko bisitari andana izaten dute maiatzerako. Aurten, baina, mugan eskatzen den PCR testa tarteko, turismoa erabat apaldu da.

EAEko tabernek eta jatetxeek 22:00ak arte irekitzeko aukera izango dute maiatzaren 9tik aurrera. Hotelei ere eragingo die alarma egoeraren amaierak.

Gaurtik aurrera, ontzi turistikoek Italiako itsasoan barrena bidaiatzeko baimena dute. Sektoreko enpresen kalkuluen arabera, mila milioi euroko galerak izan dituzte, covid-19aren ondorioz.

Asteburuak eguraldi paregabea ekarri duen arren, euskal kostaldeko hondartzak nahiko hutsik daude, udalerrien itxialdi perimetrala tarteko. Garaioko urtegian (Araba) ere igarri da.

Ainhoa Azkue (@NebuKaixo) streamerra da eta euskaraz sortzen ditu edukiak. “Eztabaidan”en azaldu duenez, Twitch plataforman euskara ez da agertzen hizkuntza ofizial gisa.

Errenterian dago Gure Zirkua. Iker Galartzak “Eztabaidan”en azaldu duenez, maiatzera arte izango dira bertan. Ondoren, Bizkaia aldera doaz, eta Muxikan uda arte egongo direla aurreratu du.

Eñaut Gereñuk Ordizia Hotela irekiko du martxoaren 31n. Covid-19aren kontrako neurriek nabarmen eragingo diote inaugurazioari, Ordizia eremu gorrian baitago. Hala ere, hotela irekitzea erabaki dute.

Ion Astiazaran, Donostiako Iruin Sagardotegiaren jabea, 2021eko txotx denboraldiaz aritu da “Eztabaidan”en. Pozik daude bezeroek egindako harrera beroarekin.

Kepa Errasti aktoreak ‘Fadoak entzuten zituen gizona’ antzezlana aurkeztu du “Ahoz Aho”n. Maskulinitateari buruz hausnartzen dute obran eta XXI. Donostia Antzerki saria eskuratu du.

Jasone Osoro idazlea Benidormi buruz aritu da “Ahoz Aho”n. Hiriaren bilakaeraz, euskaldunek hiriarekin duten lotura bereziaz, estetikaz, pop kulturaz eta B-B operazioaz aritu da, beteak beste.

‘Dardara’ filmaz aritu dira Marina Lameiro zuzendaria eta Gorka Urbizu musikaria. Berri Txarraken azken bira da pelikularen ardatza. Zine aretoetan ikusgai dago.

Presioarekin jolasten ikasi nahi? Poxpoloak, arrautzak, botila bat, lata bat eta beroa baino ez dituzue behar Idoia Mugikaren esperimentuak aurrera eramateko.

Maite Goñik “Ahoz Aho”n azaldu duenez, Netflix plataformak teknologia berezia garatu du erabiltzaileen kontu partekatuak kontrolatzeko. Posta elektroniko bidez ziurtatu beharko dugu erabiltzailea gu geu garela.

“Nekatutak” ikuskizunaz aritu da Antton Telleriak “Ahoz Aho”n. Itxialdian idatzi du bakarrizketa eta aurki estreinatuko du. Erreferenteez, umoreaz, inprobisazioaz eta jendaurrean aritzeaz hitz egin du.

Igor Lasa, Gipuzkoako Mendi Federazioko kidea, eta Mari Paz Oiarbide, artzaina eta mendizale federatua, pandemia garaian mendizaletasunak izan duen gorakadaz aritu dira “Eztabaidan” saioan.

Javier Fuertes ‘Txapas’, Gorlizeko Troka Abentura parkearen jabea, covid-19aren krisiaz aritu da “Eztabaidan” saioan. Enpresa egunero dirua galtzen ari dela azaldu du.

Mikel Berasategi, Zegamako elkarte gastronomiko batetako zuzendaritzako kidea, elkarteen itxieraz aritu da “Eztabaidan”en. Neurri ziurragoak eskatu ditu.

Amancay Gaztañagak, Ander Lipusek eta Laura Penagosek “Atzerrian lurra garratz” antzezlana aurkeztu dute “Ahoz Aho”n. Kontsultatu hemen emanaldien datak.

30 ikuslek Izaroren kontzertua ikusteko aukera izango dute Donostiako San Telmo Museoan, Gaztea 303030 ekimenaren baitan. Streaming bidez entzun ahal izango da (19:00) eta martxoaren 27an ETB1en izango da ikusgai.

Lesakako bertso eskolako Estitxu Arozena, Julio Soto eta Onintza Enbeita bertsolaritzak bizi duen une konplikatuaz aritu dira “Eztabaidan”en. Koronabirusaren pandemiak erabat baldintzatu du jarduna.

Aritz Salamanca dantzaria “Biba Zuek!”en izan da. Besteak beste, hasidantzatzen.eus euskal dantza ikasleentzako webguneaz eta Tio Teronen Semeen ibilbideaz aritu da.

Jon Agirresarobe, Bertsozale elkarteko koordinatzailea, covid-19aren pandemiak bertsolaritzan izan duen eraginaz aritu da “Biba Zuek!”en. 2020an 2019an baino 700 bertso saio gutxiago egin dira.

Tolosako inauterietako Ostegun Gizen egunik ez da ospatuko aurten. Antton Telleria eta Julen Telleria esatari eta inauteri zale amorratuak gaiaz aritu dira “Biba Zuek!”en, Tolosatik zuzenean.

Irati Mateo Aguraingo inauteriei buruz aritu da “Biba Zuek!”en. Porrero eta Sorgina pertsonaiez aritu da eta haien maskarak ekarri ditu platora.

Irati Artutxa eta Edurne Izagirre “Biba Zuek!”en, Tolosako inauterietako Ostegun Gizen egunez. Covid-19a dela eta, aurten ez da ospakizunik egingo. Lutoz jantzita, tolosar askorentzat aratusteek duten garrantziaz aritu dira.

Osasun arloko langileek tabernetako terrazetan erretzea debekatzea proposatu dute. Sonia Saenz de Buruaga botikariak azaldu du “Eztabaidan”en: erretzean aerosolak sortzen dira eta koronabirusa gehiago hedatzen da.