Gaztea Sarietako alfonbra gorriko look onenak

Dresscode zehatzik ez zegoen arren, gonbidatuetako askok ederki ulertu zuten galaren esentzia. Arropa distiratsuak, purpurina eta makillaje deigarriak ikusi genituen alfonbra gorrian.

Orria entzun Orria entzun

Vulk taldeko kideak. Argazkia: EITB Media

Whatsapp
Whatsapp
telegram
twitt
Bidali
Esteka kopiatu

Albisteak (1)

ETS, Zea Mays, ZETAK, Bengo eta IZARO, 2023ko Gaztea Sarietan garaile

galeriak (1)

Gaztea Sarietako alfonbra gorriko protagonistak

2023ko Gaztea Sarien gala hasi aurretik, gure alfonbra gorritik pasatuko dira gonbidatuak. Kolore biziak, purpurina, fantasia makillajeak eta orrazkera ausartak ikusi ditugu bertan, baita look xumeagoak ere.

Argazkien errepasoa eginda, gure gustuko estilismoen zerrenda osatu dugu Gaztean.

Kai Nakai

Bagenekien ez zuela hutsik egingo. Lumadun jaka arrosa, eguzkitako betaurrekoak eta zilar koloreko total looka. 2000ko hamarkadako esentziari eusteko, bi motots eta plataformadun botak.

Padilla Salas eta Kai Nakai

Vulk

Bizkaitar laukoteko hiru etorri ziren Gaztea Sarietara, zein baino zein dotoreago. Lepodun alkandorak, gorbatak, txapela, gomina eta alozdun galtzak. Ez zitzaien detailerik falta.

Vulk

Verde Prato

Oliba koloreko total looka jantzi zuen tolosar artistak: eskote karratudun topa eta larru efektuko prakak. Ez zuen artista onenaren saria eraman, baina alfonbra gorrikoa bai. Bere soiltasunean, look bikaina iruditzen zaigu.

Verde Prato

"Go!azen"eko aktoreak

Elkarrekin posatu zuten alfonbra gorrian eta talde argazki bikainak utzi zituzten. Hainbat kapadun lookak, oihal gardenak, gama kromatiko zabala eta osagarri deigarriak eraman zituzten.

'Go!azen'eko aktoreak

Julen

Eibartar artistak hautu arriskutsua egin zuen: total denim looka (arropa bakeroa, goitik behera). Ausartu eta asmatu. Gainera, urdin koloreko makillaje bitxiarekin osatu zuen looka.