Gaztea
Jaialdiak
EHZk Irisarri hartuko du azkenengoz, dagokion gisako agurrarekin
N. V. / B. F. | EITB Media
Jaialdiaren hogeita zazpigarren edizioa ostiralean hasi eta igandean bukatuko da, eta azkena izango da Nafarroa Behereko herrian. Kartelean, Gatibu, Soulfly, Belako, Habia, Willis Drummond, ZETAK…
-
Belako. Argazkia: Lide Billelabeitia
Punka, rapa, rocka, metala, musika tradizionala, perkusioa, popa, cumbia, soula, elektro popa, hardcorea… Genero guztiek izango dute kabida EHZ festibalaren hogeita zazpigarren edizioan, ekainaren 30ean hasi eta uztailaren 2ra arte, Irisarrin.
Aurtengoa edizio berezia izango da, bertan egingo den azkena baita. 2019an iritsi zen estreinakoz EHZ Irisarrira, aurretik Arrosa, Idauze-Mendi, Heleta eta Lekornetik igarota.
500 boluntariotik gorako lantaldearekin, musika, hitzaldi eta beste hainbat ekitaldirekin josiko dute asteburua, ostiraletik hasita.
#EHZ27 ¿ | EKAINAK 30 - UZTAILAK 1/2 | I R I S A R R I (BAXE NAFARROA).
— EHZ Festibala (@ehzfestibala) June 18, 2023
Programazio osoa hemen duzue!
Voici la programmation complète de cette année ! pic.twitter.com/zSd4BpGvH9
Denontzako musika
Habia taldeko hiru kideek irekiko dute aurtengo edizioa, 18:00etan, Irisarriko plazan. Gero, Muare, Liher, J Martina, Mandarine, Kuma No Motor, Willis Drummond, François del Mundo, Belako, Akts eta MadMadMad taldeek borobilduko dute eguna.
Bigarren egunean, hainbat ekimen izango dira herriko erdigunean: bertso poteoa, antzerkia eta plazako kontzertuak (MICE, adibidez). 16:30etik aurrera, Baigura eta Basaburu oholtzek Dia! DJs, Ixabe, Mars Red Sky, Arima, Billie Brelok, Nize, Gatibu, Aho Zakil Konekxion, Zetak, Ztah, Krav Boca, Dia! DJs eta Vapa hartuko dituzte.
Azkeneko egunean, atsedena hartzeko aitzakia gutxi. Bada, Txaranga Jaiak, Afrika Bibang, Daudane, Sofa, Kolinga, Pisoo Oph, Kristonak, Estelle D., Soulfly eta FM Belfasten musikak itxiko du aurtengo edizioa.
