Dida!
DIDA
Nerea Ibarzabal eta bere auzo-poza: "Oso maitatua sentitzen naiz, eta oso eskertuta"
2021eko Bizkaiko Bertsolari Txapelketako irabazlearekin hitz egiteko aukera izan dugu. Markinarrak hurbileko bertsolarien eta lagunen zorion mezuak jaso ditu, eta maitasuna helarazi du bueltan, guztioi berezkoa duen magian murgiduz.
-
Nerea Ibarzabal. Argazkia: EITB
10:32 min
Nerea Ibarzabal markinarrak irabazi du 2021eko Bizkaiko Bertsolari Txapelketa. Larunbatean bizitakoaz eta txapela jarri zuen unean gogora ekarri zituenez aritu zaigu "Dida!"n.
Jone Uria bertsokide eta lagunarekin iritsi zen Ibarzabal buruz burukora, ahizpatasun erakustaldi dotorean.
Finaleko agurrean, Harry Potterren filmen soinu bandaren doinua erabili zuen Ibarzabalek, 90eko hamarkadako haurren gozamenerako.
Baina nola izan daiteke hain puta ama https://t.co/iRjo0gBoxJ pic.twitter.com/cuXqOyuvAg
— Irati. (@Tovalaparato) December 18, 2021
Gaurkoan, bertsokideen zorion mezuak helarazi dizkiogu. Oihana Iguaranek ornitorriko baten bertsio "oso guapo" baten modura definitu du Nerea Ibarzabalen talentua. Onintza Enbeitak, berriz, "zorionak" hitza auzitan jarri du, zori kontuak baino, merezitako lorpena izan dela ulertaraziz. Eta egungo Bizkaiko txapeldunak, esker hitzak besterik ez ditu izan bueltan.
