Bilboko Aste Nagusia
22:15ean
Aitzol Atutxa aizkolaria, gauean 'Bilboko Aste Nagusia 2016' saioan
A.H. | EITB
Horrez gain, saioak Hermanos Caballer Castelloko su-etxearen su artifizialen ikuskizuna eskainiko du, zuzenean.
-
Aitzol Atutxa
Aitzol Atutxa aizkolaria izango da gonbidatua 'Bilboko Aste Nagusia 2016' saioan. Ilaski Serranok eta Agustin Ezenarrok aurkezten duten saioa Bilboko Zubi Zuritik zuzenean eskainiko dute, 22:15etik aurrera, ETB1en eta eitb.eus-en.
Iñigo Agirre azken urteotako txupineren topaketan egongo da, eta herri-kirol txapelketaren gaineko erreportajea ere ekarriko du. Nerea Aliasek, bere aldetik, zuzeneko konexioak egingo ditu.
Gainera, ostegunean Castelloko Hermanos Caballer su-etxeak eskainiko dituen su artifizialak zuzenean eskainiko ditu saioak.
