2024/04/27

Eguraldi nahasiarekin jarraituko dugu larunbatean. Hodeitza aldakorra izango da; une batzuetan ostarte politak zabalduko dira, baina bestetan hodeitsu egongo da eta zaparradak botako ditu; arratsaldean zaparradak trumoitsuak izan litezke eta kazkabar txikia ere egin lezake. Hego-haizea indartsu ibiliko da egunaren hasieran; arratsaldearen hasieran mendebaldera aldatuko da, bolada oso gogorrekin kostaldean. Iparraldean tenperatura maximoak igo eta epelak izango dira, 17 edo 18 ºC ingurukoak. Barnealdeko altuenek, aldiz, berdintsu jarraituko dute.

Tenperatura:

• Bilbao: 12/18 ºC
• Donostia:10/18ºC
• Gasteiz:6/15 ºC
• Iruña:9/17 ºC

2024/04/28

Giro aldakorrak jarraipena izango du igandean ere. Egunaren hasieran hego-haizea ibiliko da, ahul; zeruan hodeiak eta ostarteak agertuko dira, eta euria egiteko probabilitatea nahiko txikia izango da goizean. Eguerditik aurrera haizea iparraldetik finkatuko da eta arratsaldean indartu egingo da, bolada gogorrekin. Horrekin batera, hodei trinkoagoak agertuko dira eta zaparradak botatzeko probabilitatea handiagoa izango da, batez ere barnealdean. Tenperatura bizpahiru gradu jaitsiko da; Ebro ibarreko maximoetan ez da aldaketa handirik izango.

Tenperatura:

• Bilbao: 8/16 ºC
• Donostia:7/15ºC
• Gasteiz:3/14 ºC
• Iruña:2/17 ºC

2024/04/29

Astelehenean euria hegoaldeko mendi inguruetan eta Pirinioetan espero dugu soilik. Edozein kasutan, zaparradak noizbehinka soilik egingo ditu eta ez da litro askorik pilatuko. Hodeitza aldakorra izango da berriro; kostaldetik gertu ostarteak zabalagoak izango dira barnealdean baino, eta egunaren amaieran hodeiak gutxituz joango dira orokorrean. Iparraldeko haizea ibiliko da, indar handirik gabe oro har, baina arratsaldean Ebro ibarrean zakartu egingo da. Tenperaturak gorabehera handirik gabe jarraituko du.

Tenperatura:

• Bilbao: 9/16 ºC
• Donostia:7/16ºC
• Gasteiz:3/15 ºC
• Iruña:6/15 ºC