2024/10/22

Asteartean giro freskoa eta motel samarra izango dugu. Zerua lainotuta egongo da eta tarteka euri egingo du, bereziki Kantauri isurialdean eta egunaren lehen zatian; arratsaldean aterrune luzeak izango ditugu eta urdingune batzuk zabalduko dira. Hegoaldean hodeitza ez da horren trinkoa izango eta tantaren bat edo beste bota dezakeen arren, leku gehienetan ateri eutsiko dio eta ostarteak zabalduko dira. Ipar-ekialdeko haize fina ibiliko da eta tenperaturak nabarmen egingo du behera, balio altuenak 20 ºC-tik behera geratuko dira.

Tenperatura:

• Bilbao: 14/19 ºC
• Donostia:13/18ºC
• Gasteiz:10/16 ºC
• Iruña:10/17 ºC

2024/10/23

Asteazkenean giro eguzkitsua eta epela itzuliko da. Goizaldean hodei hondarrak geratuko dira eta behe-lainoa sortuko da ohiko lautadetan, baina eguzkiak xurgatuko ditu eta goizean ia erabat oskarbi geratuko da. Tenperatura minimoak apur bat jaitsiko dira, baina maximoek nabarmen egingo dute gora eta bazter askotan 20 ºC-ak gaindituko dira. Eki-osagaiko haizea ibiliko da.

Tenperatura:

• Bilbao: 12/22 ºC
• Donostia:10/21ºC
• Gasteiz:7/19 ºC
• Iruña:8/21 ºC

2024/10/24

Ostegunean giro eguzkitsua eta epela izango dugu. Haizea hegoaldetik sartuko da eta tenperaturaren igoera ekarriko digu, bereziki Kantauri isurialdera, bertan, beroenek 20 ºC-ak erraz asko gaindituko dute; hegoaldean berriz, tenperaturan ez dugu gorabehera handirik espero behar. Giro argia eta eguzkitsua nagusituko da, baina arratsaldean erdi-mailako hodeiek eta goi-hodeiek zurixka kolorea emango diote zeruari. Goizean goiz behe-lainoa sor daiteke Ebro bailara inguruan.

Tenperatura:

• Bilbao: 15/24 ºC
• Donostia:14/23ºC
• Gasteiz:11/20 ºC
• Iruña:11/20 ºC