Gizon bat ospitaleratu dute bart Iruñean, bularrean sastakada jaso ostean

52 urteko gizon bat Nafarroako Ospitalera eraman behar izan dute bart, Iruñeko Iturrama kaleko taberna batean sastakada jaso eta gero.

Foru Gobernuak gaur, asteazkena, jakinarazi duenez, 23:23an deitu zuten 112 larrialdietarako zerbitzura, taberna batean pertsona bat armaz zuriz zauritu zutela jakinarazteko.

Anbulantzia bat eta mediku bat bertaratuta, bularraldean zauria zuela baieztatu zuten. Hori dela eta, ospitalera eraman zuten. Iruñeko Udaltzaingoak, bere aldetik, ikerketa abiarazi du gertatutakoa argitzeko.