Zortzi lagun ospitaleratu behar izan dituzte, Gorlizen kea arnastu ostean

Zortzi lagun ospitalera eraman behar izan dituzte gaur (asteartea) goizean, Gorlizen, Ondargane bideko lehen atariko etxebizitza batean, piztutako sute batean kea arnastu baitute.

Sutea 08:25ean piztu da etxebizitzako lehen pisuetako baten logela batean. Bizkaiko Suhiltzaileak bertaratu dira, eta ikerketa abiatu dute sutearen nondik norakoak argitzeko, Segurtasun Sailak eitb.eus-i jakinarazi dionez.

Sutearen ondorioz, zortzi lagunek kea arnastu dute, eta Urdulizko Ospitalera eraman dituzte.

Etxebizitzaren egoera, sutearen ostean. Argazkia: Iker Salgado

Suhiltzaileek 09:15ean itzali dute sua, eta etxebizitza aireratzen geratu dira.

Gorlizko #sutea amatatuta #Suhiltzaileak aireatzen
Auzkideen laguntza ezinhobea eskertu, beraien etxeetan gordeta mantendunta, gure lana asko erraztu du eta biktimak ekidin ditu ¿¿

— Bomberos Bizkaia (@BomberosBizkaia) 17 de abril de 2018

Etxebizitzaren egoera, sutearen ostean. Argazkia: Iker Salgado