Egin tximeleta hegalaria, bidali argazkia eta irabazi "3 Ene Kantak" saioaren kamiseta!

"Argiren erronka" lehiaketa jarri du martxan 3 klubak, klubeko bazkideak lanean jartzeko! "3 Ene Kantak" saioaren "Zuk zeuk egin" atalean, besteak beste, eskulanak, esperimentuak eta marrazkiak egongo dira astero. Argi astero saiatuko da jarduera bat egiten, eta, egun horretan bertan, erronka joko dizu aste horretako lana hobetu dezazun.

Aste honetan, eskulan erronka onartu beharko duzu. Zuzenek pinpilinpauxa hegalaria egin du "Zuk zeuk egin" atalean. Argi bere tximeleta propioa egiten ere saiatu da. Nola atera ote zaio?

Argik erronka bota dizu, eta orain zure txanda da! Zuzenen bideoan dituzu jarraitu beharreko pausoak. Egin zure eskulana eta atera argazkia. Ondoren, "3 Ene Kantak" atariko "Bereziak" orrira jo; hor duzu zeuk egindakoaren argazkia igotzeko aukera. Parte hartzen duzuen guztion artean, "3 Ene Kantak" saioaren kamiseta zozkatuko dugu astero. Animatu eta parte hartu!

Gogoratu parte hartzeko beharrezkoa dela 3 klubeko kide izatea. Oraindik ez bazara bazkide, egon lasai, oso erraza da eta! Kideentzako guneko "kide egin" atalean sartu, eta bertan eskatzen dizkizuten datuak eman behar dituzu.

Azaroaren 5etik 12ra bitarterako erronkaren irabazlea

Joan den astean margolan erronka egin zuen Argik. 3 klubeko kideek onartu zuten erronka, eta "3 Ene Kantak" saioaren kamiseta zozkatu dugu parte-hartzaileen artean. June Blanco izan da irabazlea. Zorionak!

Jasotako marrazki guztiak gure webgunean daude ikusgai. Mila esker parte hartu duzuen guztioi!